Eitb - Fikzio Arduraduna - Responsable De Ficción

Zein izango da zure ekarpena?

EITB Mediaren fikzio-proiektuen garapena ikuspegi editorial eta sortzailetik laguntzea, ideiaren eta tratamenduaren lehen faseetatik gidoien bertsioetara eta lehen muntaketa editatura arte, irizpide narratiboa, analisi-gaitasuna eta sentsibilitate editoriala eskainiz.

Eginkizun nagusiak

Zinema-proiektuen eta fikziozko telesailen egokitasuna EITB Mediaren estrategia editorialaren barruan ebaluatzea.

Proiektuak garapen-fase guztietan aztertzea: ideia, tratamendua, gidoiaren bertsioak eta lehen bertsio editatua.

Zuzendaritzaren erabakiak errazteko balorazio-txosten argiak, zorrotzak, egituratuak eta arrazoituak prestatzea.

• Proiektu bakoitzaren indarguneak, ahulguneak, arriskuak eta hobekuntza-aukerak identifikatzea.
• Egituran, pertsonaietan, tonuan, erritmoan, ikuspegian edo eraikuntza dramatikoan arazoak antzematea eta irtenbide zehatzak proposatzea.
• Gidoilari, zuzendari eta ekoizleei idazketa- eta berridazketa-prozesuetan laguntzea, obra bakoitzaren nortasun sortzailea errespetatuz.
• Zuzendaritza, casting eta gainerako elementu sortzaile garrantzitsuen proposamenak baloratzea.
• Lehen bertsio editatuak ikusi eta azken bertsioaren aurretik eraginkortasun narratiboa indartzeko oharrak egitea.
• Proiektuen hautaketan eta jarraipen editorialean parte hartzea, sustapen- eta transmedia-estrategian laguntzea, eta joerak zein talentu berriak identifikatzea.
• Fikzioaren eta ikus-entzunezko merkatuaren joerak etengabe eguneratuta izatea.
• Hainbat proiektu eta garapen-fase aldi berean kudeatzea, zorroztasuna, antolaketa eta konfidentzialtasuna bermatuz.
• Sortzaileekin eta barne-taldeekin lankidetza eta konfiantzazko harremanak eraikitzea.

Baldintzak Prestakuntza eta hizkuntzak

• Ikus-entzunezko komunikazioarekin, zinemagintzarekin, gidoigintzarekin, ikus-entzunezko ekoizpenarekin, kazetaritzarekin, komunikazioarekin, humanitateekin edo antzeko diziplinekin lotutako unibertsitate- edo goi-mailako prestakuntza.
• Euskara C1 eta gaztelaniaren ahozko zein idatzizko maila bikaina. Ingelesezko maila altua ere eskatzen da.

Esperientzia eta ezagutzak

Esperientzia egiaztatua honako arlo hauetan:

• Fikzioaren garapena eta ikus-entzunezko proiektuen analisia eta balorazioa.
• Gidoien eta tratamenduen analisi profesionala.
• Script editing-a, gainbegiratze editoriala, balorazio-batzordeak edo telebista, plataforma zein ekoiztetxeetako garapen-sailak.
• Idazketa, berridazketa eta sormen-prozesuen laguntza.
• Bereziki baloratuko da euskarazko fikzio-proiektuak garatzen izandako esperientzia.
• Euskal ikus-entzunezko ekosistemaren eta estatuko zein nazioarteko industriaren ezagutza.